💖靚靚粉紅主題火鍋店@美滋鍋
呢間位於旺角嘅火鍋店以粉紅色為主，
佈滿粉色裝飾，整間店都粉粉嫩嫩，
超有少女心的，一入門口再見到有隻巨大玫瑰熊仔，好啱打卡，仲設有兒童樂園，
一家大細嚟都好啱！
呢度用上平板電腦自助落單，
圖文並茂，簡單又方便！
湯底可選單鍋，鴛鴦鍋或四季鍋🤗
我地就揀兩款湯底:
💗膠原蛋白養顏美容鍋︰
湯底用上瑤柱、雞肉、雞腳、豬骨及豬手等
含豐富骨膠原食材熬製，都好足料又鮮甜，
啖啖骨膠原！
❤️滋補養生香辣鍋（豬骨湯）：
豬骨湯加入各種中藥材，包括人參，
當歸，黨參，紅棗及枸杞等，各種香料同藥材，
味道好濃郁又香辣！
🤗必試推介:
🐮牛魔皇拼盤
包括日本A4和牛，安格斯風門柳及本地手切肥牛，
三款肉質都好好，最鍾意日本A4和牛，
牛味特別香濃！
🐟美滋鍋自製魚豆腐:
造型可愛，製作成魚嘅形狀，
食落口感順滑柔嫩，好特別，
值得試試！
🧀芝士墨魚丸:墨魚丸爽口彈牙，
入面仲夾住流心嘅芝士
🤍年糕
年糕係韓式年糕一片片果款，
第一次打邊爐落年糕，原來都幾夾，
年糕可索晒湯底嘅味道，而且好煙韌可口！
P.S. 呢度設圍裙服務，咁就唔怕整污糟晒件衫，
火鍋爐仲有抽風功能，可吸走油煙，
食完都冇乜油煙味！
依家見到佢哋做緊優惠，即日起至31/8，
share至少與2位女性朋友在美滋鍋用餐嘅相到FB/IG，即免費送價值$288牛魔皇拼盤(150g)乙份
(包括日本A4和牛, 安格斯風門柳及本地手切肥牛)
樂天餐飲集團香港 Paradise Group Hong Kong
#美滋鍋香港 #Beautyinthepothk #美顏養生
#美滋鍋 #粉紅火鍋 #hk #carol美食圖鑒
Search